"Yoshlar korrupsiyaga yo‘q deydi" tadbiri o'tkazildi

Qashqadaryo viloyati Pedagogik mahorat markazi MXKB tasviriy san’at va chizmachilik fani metodisti G.Beknazarova hamda texnologiya fani metodisti N.Bakiyevalar tmonidan korrupsiyaga qarshi kurashish oyligi doirasida 2024-yil 22-noyabr kuni Koson tumanidagi 5-umumiy o‘rta ta’lim maktabida “Yoshlar korrupsiyaga yo‘q deydi” mavzusida rasmlar ko‘rik-tanlovi va ijodiy ishlardan tashkil topgan ko‘rgazma tashkillashtirdilar.

Tadbir maktab jamoasi va o‘quvchilari bilan hamkorlikda qizg‘in tarzda o‘tkazildi. Unda o‘quvchilar tadbir mavzusiga oid rasmlari bilan qatnashib, korrupsiyaga qarshi ekanliklarini ijodiy ishlarida ifodaladilar.

Ko‘rik yakunida faol ishtirok etgan o‘quvchilar Qashqadaryo viloyati MMTB va PMM tomonidan faxriy yorliqlar bilan taqdirlandi hamda ularga esdalik sovg‘alari topshirildi.