Xayr, maktabim!

Bugun mamlakatimizning barcha umumta’lim maktablarida “So‘nggi qo‘ng‘iroq” tadbirlari bo‘lib o‘tdi.

Qarshi shahridagi 23-umumiy o‘rta ta’lim maktabida bo‘lib o‘tgan bugungi sanaga bag‘ishlangan tadbir ham nihoyatda shukuhli va, albatta, hayajonli tarzda kechdi.

Tadbirda, an’anaga munosib, yetuklik shahodatnomasini qo‘lga olib, mustaqil hayotga qadam qo‘yayotgan bu yilgi bitiruvchi yoshlarga tabriklar yo‘llandi, yaxshi tilaklar bildirildi.

Tadbir so‘ngida bitiruvchi yoshlarning ota-onalari va ustozlariga “Tashakkurnoma”lar topshirildi.